Bakmayarak ona, ani Rumıniyada çok doorusaltanatlı hristian var, orada çok katolik da yaşêr. Bukureşin Kalä Viktoriey sokaana yakın sapa bir sokakta rumın katolik kafedral klisesi bulunêr. O taşıyer ayoz dooru İosifin adını, düzülmüş 19 asirin ikinci payında. Bazilikanın içindä pek az freska var, taa çok duar ornamenti. İkona da az, onnarın erinä statuyalar durêr. Ortada skemnelär, angıları dua vakıdında hepsinä etmeer. Kafedralın içindä var dört içercik spiyada için. Altarın pençereleri yapılı çok gözäl renkli camdan. Katoliklerdä ikonastas yok, altar açık, ona var nasıl karı da girsin. Bän oradaykana bir yaşlı karı erleri yıkardı orada. Popaz durêr saltanat sofrasının öbür tarafında, bakêr insana dooru, diil nicä bizdä.
Viktor Kopuşçu 