Tag Archives: gagauz şiir

Sevda zamanı (peet)

image

İlkyaz – sevda zamanı,

Çillär gezerlär çiftli.

Şoparcık uşakların

Üzleri olêr çilli.

 

Allah kuşu – kırlangaç –

Örer kendinä yuva,

Kuzu kulaanda nışan:

Kırlangaç yada zımba.

 

Sıırcıklar yapêr zarar,

Çalêr harmanda toomu,

Sıırcık gibi uşacık

Deer, doyursunnar onu.

 

Bıldırkı horozçuklar

Bildirerlär sabaayı,

Küçük Paskellä baaşlêêr

Horozçuk halviţayı.

 

Kurkan gezer kurulu,

Patu ondan sakınêr,

Petri yaslada – uslu,

Salt evdä kurkannanêr.

 

Eşecik otlêêr arpa,

Yuları durêr kopuk,

Batüm näänı da gitsä,

Bän onunnan – pak koduk.

 

Kısırık kulumnadı,

Kulicik kömür kara,

Bizim Vani koşturêr,

Nicä kulicik kıra.

 

Sţenaya çıktı Sevda,

Sevindirer insanı,

Şen olsun bizim cümnä,

İlkyaz sevda zamanı!

2013

Реклама

Soruş (peet)

RAM_0049 - копия

Foto: Ramyar Macidi

Sokakta bir adam dün bana yaklaştı

Da dedi: “Canabin, annamaa savaştım,

Kimim bän bu kısa ömürlü dünnedä.

Bir cuvap geçirämedim bilä elä.

Hiç olmaz mı bana sän veräsin yardım?”

Ozaman bän kolay durumu ayırdım

Da dedim: “Sän “yorgunsun”, gitsänä evä,

Bekim, bir cuvapçık geçirirsin elä!”

Cuvapsız o gitti, bän sä durakaldım,

Aklımda “kimim bän” soruşuna daldım.

Bilmeerim, nekadar düşündüm bän ölä,

Bir cuvap geçirämedim ama elä.

Ozaman yanımda durana yalvardım:

“Hiç olmaz mı bana sän veräsin yardım?”

28.09.2012