Bukureşin ortasına yakın Kalä Viktoriey sokaanda var gözäl eski bir klisä — Kreţulesku klisesi. Onu 1722 yılda düzdürmüş karı-koca Yordaki hem Mariya Kreţulesku. Mariya rumın beyi Konstantin Brınkovänunun kızıydı. Klisesin önündä var saçak, angısında görüner taa 18 asirdä yapılan duar resimneri hem yazılar. Yazılar kiriliţada, çünkü rumın yazısı latiniţaya geçen sade 19 asirin ikinci payında. Klisenin arhitekturası o vakıt düzülän tipik rumın arhitekturası — yapı uzun, stavroza benzär: altarın önündä kanatları var (hora deyni). Kapunun üstündä var balkon, erdä sol tarafta — camidä minbar olduu gibi — küçük bir balkon var, oradan nasaat sölemää deyni. Ona karşı — saa tarafta var arhieyerin eri. Rumınnarda var adet o arhierey skemnesinä episkopun patredini koymaa. Hep ölä burada da — Bukureş arhiepiskopu patriarh Daniilın partedi durêr.
