Kolada hem Eni yıl türküleri

ImageSevgili dostlarım! Kaldı birkaç gün sevimni hem ayozlu yortumuza Koladaya kadar. Dünneyä gelän Allah eksin herkezin üreendä sevgi toomunu, da o toomdan büüsün büük hem kaavi salkım aacı, angısının altında koruntu bulsun hepsi. Dedelerimizdän kalmış gözäl adet kolada gezmää hem Eni yıllan kutlamaa komuşuları, küülüleri, senselemizi. Kullanarak eni asirin tehnologiyalarını, isteerim baaşlamaa sizä birkaç peet Kolada hem Eni yıl kutlamasınnan!

Kolada türküsü

Kalkın, kalkın, çorbacı,

Kabul et koladacı.

Dışarda kaarcaaz yaayer,

Getirdik sizä haber:

Vakıtlar oldu ayoz –

Dünneyä geldi Hristos.

Hepsi insan sevinsin,

Allahı metinnesin.

Getirdik sizä kısmet,

Çok saalık hem bereket.

Sevinsin bütün dolay,

Hepsi işitsin bolay:

Büün yortu, sevinç, şennik,

Dünnedä olsun birlik.

Herbir ev olsun toplu,

Yaşamak olsun uslu.

Yaşamak olsun ayoz,

Dünneyä geldi Hristos!

İilikvermäk Allahtan hepsinin evinä

Bu gün bizä deyni pek bir büük yortu,

Bu gün dönelim biz Hristosa dooru.

Bu gün damnarda O bizim için duudu –

Ayoz Kız Mariyadan ölümnü oldu.

En ilk duumuş Hristosa çobannar geldi.

Pak üreklerini nicä bir vergi,

Nicä bir ii miru kokusu, kurban,

Cümnä Zapçısı kabletti çobannardan.

Göktä eni yıldız peydalandı açan,

Üç bilgiç baaşışlan yola çıktı ozaman.

Miru, günnük, altın – en ii bereketi

İnsan olmuş Allaha onnar getirdi.

Günahkeriz, ey, Saabi, Senin önündä,

Üfkelänmä dinsizliklär için bizä.

Ama bu gün yakışıkla sade demää:

«İilikvermäk Allahtan hepsinin evinä!»

Eni Yıl türküsü

Traka-traka kapuda,

Biz geldik bu yortuda.

Traka-traka Eni Yıl,

Siz olasınız mayıl.

Traka-traka gözellik,

Getirdik sevinmelik.

Traka-traka bereket,

Allahtan sizä kısmet.

Traka-traka al kuşak,

Eviniz dolsun uşak.

Traka-traka horozlu,

Sofranız olsun dolu.

Traka-traka çorbacı,

Ya çıkar sän kolacı.

Traka-traka yıllara,

Çorbacıykadan para.

Traka-traka bu evi

Korusun Allah Saabi.

Traka-traka gitmeli,

Çorbacının bol eli.

Traka-traka saalıcak,

Yortu geçsin kutluca.

Traka-traka pek mayıl,

Kutlu olsun Eni Yıl!

Реклама

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google+ photo

Для комментария используется ваша учётная запись Google+. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

w

Connecting to %s

%d такие блоггеры, как: