«KOLADA-2014 » GAGAUZ DİLİNDÄ ŞİİR, YARATMA HEM RESİM YARIŞMASI BAŞLADI

Изображение

Saygılı vatandaşlar! Bildireriz, ani başladı “KOLADA-2014” yarışması, angısına var nasıl katılsın 5-8 klaslar üürenicileri, angılarının yaşları 10-15 arasında. Kaul hem Komrat episkopu Ayozlu Anatoliyin iisözlemesinä görä yarışmayı hazırlêêr “AYDINNIK” kultura-aydınnatmak cümnä topluluu Gagauziyanın Üüretim bakannıın katkısınnan.

Yarışmanın var üç bölümü:

“Şiir” – Kolada, kış yortuları, Ay-Boba M.Çakir, Gagauz Eri, Bucak, vatan, küü, aylä için şiirlär.

“Yaratma-esse” – olabilir temalar: “Nicä gagauzlar ileri bakardılar Koladayı”, “Kış yortuları – şen zaman”, “Gagauzların kış adetleri”, “Ay-Boba Mihail Çakir XXI asirdä”, “Ne verdi gagauzlara Ay-Bobanın izmetleri?”, “Ah, Bucaam, sana mayılım!”, “Kış vakıdı Gagauz Erindä”, “Nicä biz evdä geçireriz Koladayı”.

“Resim” – Kolada, gagauz yortuları, hey-hey gezmäk, aylä adetleri, aydınnadıcı M.Çakir, ev, ana için resimnär.

Yarışmaya katılannar lääzım bu kriteriyalara uysunnar:

yaşı 10-15 arası olsun
şiirlär, yaratmalar hem resimnerin adları gagauz dilindä olsun
– yarışmaya katılan garantiya eder, ani verilär yaratmalar onun kendisinin hem kimseyin avtor haklarını bozmêêr
– katılannar var nasıl sade bir bölümdä pay alsınnar
– katılannar var nasıl en çok üç yaratma versinnär
– şiirlerin, yaratmaların hem resimnerin lääzım adları olsun, istediklerinä görä onnara gagauzça komentariya da yapılarbilir

Organizaţiya komiteti koruyerın hakını verilän yaratmaları kullanmaa tanıtım, sergi h.b. iş için, belli edip avtorların adlarını. En ii yaratmaları sora toplum olarak tiparlanacek

Yarışmaya katılmaa var nasıl Kıran (dekabri) ayının 15 kadar. Yarışmanın rezultatları Büük (yanvar) ayda belli edilecek.

Katılmaa isteyennär lääzım yaratmalarını kopusciuv@mail.ru elekton adresinä yollasınnar. Tiparlanmış yaratmalar lääzım bu adresä yollansınnar: MD-6118, Moldova, GE, Kıpçak k., Kutuzov s., 50.

Ektä olan anketa mutlaka gagauz dilindä yazılsın lääzım. Anketa lääzım yaratmaylan barabar yollanılsın.

Her bölümdä en ii üç avtor ayırılacek. Onnara diplom hem baaşış verilecek. Yarışmadan sora yaradıcılık toplumu (şiir, yaratma-esse hem resim) hazırlanacek hem tiparlanacek.

Yaratmanın adı_____________________________________________________

Bölüm____________________________________________________________

Komentariyalar______________________________________________________

Adı, soyadı______________________________________________________

Yaşı____________________________________________________________

Yaşadıı er_______________________________________________________

Üürendii er______________________________________________________

Telefon_________________________________________________________

E-mail_________________________________________________________

“KOLADA-2014” yarışmasının organizaţiya komiteti

Реклама

One response

  1. Tebrik ederim .Çok sevimdim . Başarılar dilerim .Türkiye , İzmir’den Sevgi Saygılarımla Selamlar. ( yahsibdrm@hotmail.com
    )

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google+ photo

Для комментария используется ваша учётная запись Google+. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

w

Connecting to %s

%d такие блоггеры, как: